Usa ka French stuntman ang nagpakita og dakong kaisog human nagsakay og motorsiklo sa kapin sa 440 metros samtang nagdilaab ang tibuok kalawasan aron makab-ot ang bag-ong Guinness World Record.
Si Jonathan Vero, 41 anyos, usa ka propesyonal nga bombero ug usa ka inila nga daredevil sa France. Gipamatud-an niya ang iyang kaisog human nakab-ot ang Guinness World Record alang sa βfarthest distance full body burn while riding a motorcycle.β
Iyang gihimo ang talagsaon nga stunt sa CΓ΄te d’Or, France gamit ang iyang Yamaha DragStar 1100 nga iyang gipahaom aron luwas bisan kung gilibotan sa kalayo.
Si Vero dili estranghero sa pag-atubang sa makuyaw nga mga hagit-siya usab ang naghupot sa rekord alang sa βfastest full body burn 100 meter sprint without oxygenβ og βlongest distance full body burn run without oxygen.β
Matod niya nga nagkinahanglan kini og daghang pagpangandam ug praktis, lakip na ang paghimo og safety modifications sa iyang motorsiklo ug pagpraktis sa lain-laing kondisyon sa panahon.
Giangkon ni Vero nga kini nga mga stunts dili sayon ββug nga usahay molungtad og mga semana aron siya maulian sa iyang mga samad og paso sa kalawasan. Apan alang kang Vero, sulit ang tanang kakapoy ug kasakit ilabi na nga dugay na niyang gipangandoy nga mailhan sa Guinness World Records.
