NABUNTURAN- Patay ang usa ka lalaking biktima kinsa giingong gipusil sa iyang kainom niadtong nakalabay nga adlaw, didto sa Purok 1, Poblacion, Mawab, Davao de Oro.
Giila ang suspek nga si alyas “Kol”, hamtong ang pangidaron kinsa giingong kalit lang nag-init ang ulo human nga nakalalis ang nakainom nga biktima ug way pagduha-duha gipusil sa makaduhang higayon nga maoy hinungdan saiyang hinanaling kamatayon.
Naaresto ang suspek sa mga miresponding pulis, kinsa kasamtangang nakakustudiya na sa Mawab Municipal Police Station.
Sa pagkakaron ang suspetsado mag atubang sa kasong murder samtang padayon pa usab ang imbistigasyon sa otoridad arun masayran ang motibo sa krimen.
