DIPOLOG CITY- Dakpan sa kapulisan ang usa ka Street Level Individual sa Druglist, giila ang dinakpan nga si alyas Rondel, 19 anyos, ulitawo ug residente sa Purok Buli, Barangay Minaog, Dipolog City niadtong nakalabayng adlaw,pinaagi sa gikasang drug buy bust operation sa mga personahe sa Dipolog City Police Station sa nahisgutang lugar.
Nasakmit gikan sa dinakpan ang usa ka gamay nga pakete sa shabu nga nagsilbing buy bust item ug ang laing duha ka gamayng pakete ug usa aka dakong pakete sa shabu ang nakuha sa iyang posisyon.
Lakip sa nasakmit ang 1,000 peso bill nga gigamit isip buy bust money. Mokabat sa 5 ka gramos ang nasakmit nga shabu gikan sa dinakpan nga nagkantidad ug Php34,000.00.
Sa pagkakaron ang suspetsado anaa na sa kustudiya sa Dipolog City Police Station ug mag-atubang sa kasong paglapas sa RA 9165 kon Comprehensive Dangerous Drugs Act of 2002, samtang ang mga nakumpiska nga druga ang giturn-over na ngadto sa ZDN Provincial Forensic Unit alang sa eksaminasyon.
