MALAYBALAY CITY- Gi-surrender sa 13 ka Friends Rescued ang nagkadaiyang klase sa tag-as nga kalibre sa armas didto sa Camp Captain Ramon M. Onahon, Malaybalay City, Bukidnon niadtong Hulyo 8, 2025.
Gipangunahan kini sa Department of Interior and Local Government (DILG) Bukidnon nga girepresentahan ni Ms. Alicia Claire C Popa, E-CLIP Focal Person, AFP ug mga personahe sa Bukidnon Police Provincial Office ubos sa pagpangulo ni Police Colonel Jovit L Culaway, Provincial Director.
Ang 13 ka Friends Rescued gikatakdang ipailawom sa Enhanced Comprehensive Local Integration Program o E-CLIP sa kagamhanan. Ang Enhanced Comprehensive Local Integration Program (ECLIP) usa ka inisyatibo sa gobyerno sa Pilipinas nga gitumong sa pagpadali sa reintegrasyon sa mga former rebels (FRs) ngadto sa komunidad. Naghatag kini ug tabang sa mga FR, sa ilang mga pamilya, ug ngadto sa komunidad aron suportahan ang ilang pagbalik sa kinabuhing sibilyan.
Ang Bukidnon PNP gipakusgan pa ang kampanya sa paghunong og pagpakgang sa insurhensya ug terorismo sa probinsiya aron mamintina ang kahapsay og kalinaw sa matag komunidad.
