MALAYBALAY CITY- Guba og wala mahitsura ang 3 ka balay human kini aksidenting gidaro sa usa ka Forward truck kagahapong adalawa Hulyo 9,2025, didto sa Purok-10A, San Miguel, Greenhills, Maramag, Bukidnon.
Sa imbestigasyon nasayran nga ang nahisgutang sakyanan nagbiyahe gikan sa Pangantucan, paingon Polomolok, South Cotabato, nga puno sa mga produktong saging kung asa pag-abot sa kurbada nga bahin sa nahisgutang lugar, nawad-an og brake ang sakyanan hinungdan nga wala nakontrola sa drayber ang manubila sa trak, ug niliko sa wala nga bahin dayong nibangga sa tulo ka kabalayan.
Giila ang drayber nga usa ka 33 anyos lalaki, residenti sa Polomolok, South Cotabato kinsa nakaangkon og mga samad kalawasan ug daling gidala sa rescue team sa Bukidnon Provincial Hospital sa Maramag alang hinanaling medical nga atensyon.
Sa pagkakaron padayon pa ang imbestigasyon sa mga otoridad kalabot sa maong aksidente. Samtang, ana-a sa luwas nga kahimtang ang mga residenti sa maong mga panimalay.
