Ginturn-over sang Department of Trade and Industry ukon DTI Sultan Kudarat ang bodega nga nagabalor sang P300,000 sa Palimbang Entrepreneurs Agrarian Reform Beneficiaries Cooperative ukon PEARBCO sang Nobyembre 18, 2026.
Ginpatigayon ang turnover pinaagi sa RAPID Growth Project kag gintambungan ni DTI Sultan Kudarat OIC Provincial Director Eddie S. De Asis, kaupod ang mga representante sang lokal nga panguluhan kag mga opisyal sang kooperatiba.
Ginatinguhaan sang proyekto nga mapauswag ang kapasidad sang kooperatiba sa pagtipig sang mga produkto, mapahapos ang operasyon kag mapabakod ang pangabuhian sang mga miyembro.
Ginapaabot man nga makahatag ini sang mas daku nga oportunidad sa lokal nga negosyo kag makabulig sa malungtaron nga pag-uswag sang komunidad.
Photo courtesy: DTI Sultan Kudarat










