Nailhan na ang tinuod nga identidad sa usa ka 42-anyos nga babaye nga gidakop tungod sa pagpangawat sa tindahan human siya bisitaha sa iyang anak samtang anaa sa kustodiya sa Bajada Police Station o PS 18 sa Davao City niadtong Nobyembre 16.
Sumala sa Davao City Police Office (DCPO), lahi nga pangalan ang gigamit sa babaye sa dihang siya gidakop aron malikayan nga mailhan ang iyang tinuod nga pagkatawo.
Apan, pinaagi sa dugang nga imbestigasyon ug beripikasyon sa mga pulis ubos sa pagpangulo ni acting station commander PMAJ Genesis P. Oriel, nadiskobrehan ang iyang tinuod nga identidad human sa pagbisita sa iyang anak.
Tungod sa maong insidente, gipaubang sa suspek ang duha ka kasong kriminal nga may kalabotan sa shoplifting ug paggamit og hinimo-himong pangalan aron itago ang iyang identidad, subay sa Revised Penal Code.
Photo courtesy: DCPO










