Malipayon nga gidawat ni PCOL Barnard Danie V. Dasugo, Provincial Director sa Zamboanga Sibugay Police Provincial Office o ZSBPPO, si PLTCOL Alejandro De Guzman, Officer-in-Charge sa Regional Forensic Unit 9, atol sa courtesy call nga gipahigayon sa buhatan sa Provincial Director.
Tumong sa maong pagbisita nga mapalig-on ang propesyonal nga relasyon tali sa duha ka opisina, mapauswag ang koordinasyon ug mapalig-on ang panagtinabangay sa paghatag og episyente ug epektibong serbisyo sa kapulisan.
Pinaagi sa maong panagtagbo, gipasiugda ang kamahinungdanon sa lig-on nga koordinasyon tali sa nagkadaiyang yunit sa Philippine National Police aron mas mapalambo ang pagpatuman sa ilang mga katungdanan.
Gipasalig usab sa ZSBPPO nga magpadayon kini sa pagpalig-on sa pakigtambayayong sa nagkadaiyang yunit sa PNP ug uban pang sektor aron mapadayon ang kalinaw, kahapsay ug kaluwasan sa tibuok Zamboanga Sibugay.










