Nakuha sa Local Government Unit (LGU)-Iligan sa ikaduhang puwesto sa tibuok nasud sa Birth Registration Assistance Project (BRAP), human nakarehistro og 1,817 ka records gikan Enero hangtod Setyembre 2026.
Nahimo kini pinaagi sa paningkamot sa Iligan City Civil Registrar’s Office, sa pakigtambayayong sa Philippine Statistics Authority (PSA), aron mapalapdan ang access sa mga Iliganon sa legal nga pagparehistro sa ilang pagkatawo.
Pinaagi niini nga programa, mas daghang residente ang natabangan sa pag-angkon sa ilang birth certificate nga importante sa pag-ila sa ilang legal nga identidad ug pag-access sa nagkadaiyang serbisyo sa gobyerno.
Padayon ang lokal nga pangagamhanan, sa paningkamot nga masiguro nga walay Iliganon nga mabiyaan sa pag-angkon sa ilang katungod sa legal nga identidad.
Photo courtesy: City Government of Iligan










