Nadakpan ang usa ka 39-anyos nga lalaki nga kanhi misurender sa kampanya batok ilegal nga droga human makit-an sa iyang pinuy-anan ang daghang pakete sa gidudahang shabu atol sa search warrant operation sa Mabuhay Police Station sa General Santos City. Giila ang dinakpan sa alyas nga Ar-Ar, 39-anyos, bulag sa asawa ug residente sa Purok 13, Panaghiusa, Barangay Mabuhay.
Gipahigayon ang operasyon pasado alas 2:21 sa kaadlawon, pinaagi sa search warrant nga giisyu sa korte tungod sa alegasyon nga nagtipig kini og ilegal nga droga sulod sa iyang pinuy-anan. Narekober sa mga kapulisan ang napulo ka plastic sachet nga gituohang adunay shabu, mga gamit sa pagproseso sa ilegal nga droga ug digital weighing scale.
Sa pagkakaron, anaa na sa kustodiya sa Mabuhay Police Station ang suspek samtang nagpadayon ang pagproseso sa kaso batok kaniya.
Photo courtesy: Time










