Giaresto sa kapulisan ang usa ka lalaki tungod sa giingong ilegal nga pagpanag-iya og armas de fuego niadtong Nobyembre 16, alas 9:30 sa gabii, sa Barangay Malandag, Malungon, Sarangani Province.
Giila ang dinakpan nga si alyas “Roy” atol sa OPLAN SITA nga gihimo sa Pulatana Waiting Shed o Terminal, duol sa Malandag Public Market.
Narekober gikan kaniya ang usa ka .38 caliber revolver nga walay serial number ug kargado sa lima ka buhing bala, lakip ang usa ka basiyo nga .45 caliber cartridge.
Gidala na sa kustodiya sa Malungon Municipal Police Station ang dinakpan alang sa tukmang disposisyon.










