Malipayon ug mapasalamaton ang representante sa lokal nga panggamhanan sa Titay sa pag-apil sa Subaybayani Award karong tuiga, diin ang munisipalidad sa Titay usa sa mga nahimong recipient o nakadawat og pasidungog.
Gipadayag usab ang dakong pasalamat ngadto sa tanang indibidwal nga walay hunong nga naningkamot ug mitampo sa pagkab-ot sa maong kalampusan.
Giila sa maong pasidungog ang panaghiusa, kakugi ug dedikasyon sa mga opisyal ug kawani sa lokal nga panggamhanan sa paghatag og maayong serbisyo ngadto sa katawhan.
Gipakita usab niini nga ang maayong resulta sa pagdumala dili lamang bunga sa paningkamot sa usa ka tawo, kondili resulta sa hiniusang trabaho ug suporta sa tibuok komunidad.










