Gisaulog sa City Health Office (CHO) sa Lokal nga Panggamhanan sa Tagum ang World Diabetes Day 2026 ubos sa temang “Lihok na, Kontrola ang Diabetes! DiaBeat It!” nga gipahigayon niadtong Nobyembre 14, 2026, sa Barangay Liboganon Gym.
Kabahin sa kalihukan ang healthy cooking demonstration, physical activities, diabetes screening, general consultation, eye ug dental screening, HIV screening, chest X-ray, laboratory services ug libreng tambal alang sa mga residente.
Naghatag usab og lecture kabahin sa diabetes ang resource speaker aron mapalapdan ang kahibalo sa komunidad mahitungod sa paglikay ug pagkontrolar sa maong sakit.
Gilunsad usab ang programa nga “Tutukan ang Diabetes” ug ang Diabetes Club of Tagum nga unang gisugdan sa Barangay Liboganon alang sa padayong pagmonitor sa mga diabetic.
Gisuportahan ang maong kalihukan sa nagkadaiyang organisasyon ug institusyon, lakip ang Philippine Association of Medical Technologists, Inc. – Davao del Norte Chapter, USEP School of Medicine, Tagum Doctor’s College ug Tagum Optometric Society aron mapalapdan ang serbisyo panglawas sa komunidad.
Photo Courtesy: City Government of Tagum










