Nagpahigayon og Information Education Campaign (IEC) ang Barangay Del Monte New Corella Davao del Norte aron mapalapdan ang kahibalo sa mga residente, ilabina sa mga tag-iya sa yuta ug kabtangan, mahitungod sa ilang mga obligasyon sa pagbayad sa Real Property Tax o RPT.
Tumong sa maong kalihokan nga ipasabut sa publiko ang kamahinungdanon sa tukmang pagbayad sa buhis, lakip na ang mga takdang panahon, mga benepisyo, ug ang mga responsibilidad nga angay tumanon sa matag tag-iya sa kabtangan.
Gipasiugda usab nga ang hustong pagbayad sa buhis adunay dakong papel sa pagpalig-on sa pinansyal nga kahimtang sa lokal nga panggamhanan.
Pinaagi sa nakolektang buhis, adunay dugang pondo nga magamit alang sa pagpatuman sa nagkalain-laing programa, proyekto, ug serbisyo publiko nga gitumong sa pagpauswag sa kahimtang ug kalamboan sa komunidad.
Giawhag usab ang mga residente nga mahimong responsable nga magbubuhis pinaagi sa pagtuman sa ilang obligasyon, isip usa ka paagi sa pagtabang sa padayon nga paglambo sa ilang lugar.
Photo Courtesy: Bayan ng New Corella










