Misaka sa 9.7 porsiyento ang headline inflation o kinatibuk-ang inflation rate sa Davao Region niadtong Oktubre 2026, gikan sa 8.7 porsiyento niadtong Septyembre 2026, base sa datos sa Philippine Statistics Authority (PSA) Region XI.
Mas taas kini kon itandi sa samang panahon niadtong Oktubre 2025 diin natala lamang ang 0.6 porsiyento nga inflation rate. Nagpasabot kini nga mas paspas ang pagsaka sa kinatibuk-ang presyo sa mga produkto ug serbisyo sa rehiyon kumpara sa miaging bulan.
Ang maong pagsaka sa inflation mahimong adunay epekto sa gasto sa panginahanglanon sa mga panimalay, ilabina sa pagkaon, pamaliton ug uban pang batakang serbisyo.
Photo Courtesy: PSA Davao Region










