Patay ang usa ka volleyball coach human pusila sa ulo sa wala pa mailhing suspek sulod sa Suhai Gym sa Barangay Bago Gallera, Davao City, gabii niadtong Nobyembre 12, 2026.
Base sa gipadayag ni alyas Mat-mat, caretaker sa gym, nahitabo ang pagpamusil pasado alas 6:30 sa gabii diin nahimong target ang biktima nga giila sa alyas nga “Coach R.”
Mga 15 minutos human sa pagpamusil, miabot sa lugar ang inahan sa biktima ug mihangyo kang Mancao nga hinloan ang maong lugar, butangan og kandila ug alagaran og mga bulak isip paghinumdom sa iyang anak.
Sa kasamtangan, nagpadayon ang imbestigasyon sa Baliok Police Station aron masuta ang pagkatawo sa responsable sa krimen ug ang posibleng hinungdan sa pagpamusil.
Photo courtesy: DCPO










