Gipaila sa Probinsyal nga Panggamhanan sa Davao Oriental, ubos sa pagpangulo ni Governor Nelson L. Dayanghirang, ang presentasyon nga “Davao Oriental – A Province of Opportunities” atol sa investors forum kauban ang mga Ambassador sa Netherlands ug Belgium nga gipahigayon sa Mati City.
Tumong sa maong foreign trade partnership nga ipaila sa mga langyaw nga investors ang nagkalainlaing potensyal sa probinsya, ilabina sa turismo, agrikultura ug imprastraktura, aron madugangan ang oportunidad sa pagpamuhunan ug mapalig-on ang lokal nga ekonomiya.
Pinaagi niini, gilauman nga mapalapad ang kooperasyon ug mga oportunidad sa negosyo tali sa Davao Oriental ug sa nasangpit nga mga nasud, samtang padayon nga ipasiugda ang identidad sa probinsya ubos sa kampanya nga “Davao Oriental Beautiful, Kanato Ini!”










