Opisyal nang giila isip Sta. Cruz Integrated School ang kanhing Sta. Cruz Elementary School nga nahimutang sa Purok Lawaan, Barangay Kinablangan, Baganga, Davao Oriental.
Ang pag-illa sa bag-ong ngalan sa maong eskwelahan gitambongan sa amahan sa maong munisipyo, kauban ang miyembro sa Sangguniang Bayan ug Chairperson sa Committee on Education ug Chairperson sa Committee on Finance.
Mihatag usab ug suporta ang mga opisyal sa eskwelahan, mga magtutudlo, estudyante, ginikanan ug mga representante sa komunidad aron sa pagsaksi ug pagsaulog sa maong importante nga kalampusan.
Samtang gipasabot sa lokal nga panggamhanan nga ang pag-usab sa eskwelahan gikan sa elementary ngadto sa integrated school nagtimaan sa bag-ong yugto sa kasaysayan sa institusyon, nga maghatag og dugang oportunidad alang sa pagpalambo ug pagpalapad sa serbisyong pang-edukasyon.
Photo courtesy: LGU Baganga










