Mokabat sa 1,591 ka mag-uuma sa probinsya sa Cotabato ang nakadawat og pinansyal nga tabang nga mikabat sa ₱3,699,075 ubos sa Presidential Assistance for Farmers and Fisherfolk Program (PAFFP).
Giapod-apod ang maong ayuda ngadto sa mga kwalipikadong benepisyaryo gikan sa mga lungsod sa Pikit, Midsayap, Pigcawayan ug Aleosan. Lakip sa mga nakadawat sa tabang sila si Toks Maulana Guiamad sa Pikit ug Teodoro Ybanez Onting sa Midsayap, nga nagpahayag sa ilang pasalamat sa maong pinansyal nga suporta.
Matod nila, dakong kahupayan alang sa ilang mga pamilya ang maong ayuda tungod kay makatabang kini sa pag-atubang sa ilang inadlaw-adlaw nga panginahanglan.
Pinaagi sa PAFFP, gitinguha sa gobyerno nga mapaligon ang panginabuhian sa mga mag-uuma ug mangingisda pinaagi sa paghatag og dugang pinansyal nga suporta, ilabina sa mga nanginahanglan niini.
Photo courtesy: Agri Tayo Soccskargen










