Gidonar sa Armed Forces and Police Savings and Loan Association, Inc. o AFPSLAI, ang usa ka set sa computer equipment ngadto sa Police Regional Office 12, isip suporta sa pagpalambo sa mga kagamitan ug kapasidad sa kapulisan.
Personal nga midawat sa maong donasyon si PRO-12 Regional Director PBGEN Alan B. Manibog, kinsa nagpahayag sa iyang pasalamat sa padayon nga suporta ug pagpakabana sa AFPSLAI sa pagpalig-on sa serbisyo sa Philippine National Police. Matod ni Manibog, dako og ikatabang ang computer equipment sa pagpaayo sa ilang mga kagamitan sa opisina ug pagpadali sa nagkadaiyang proseso sa trabaho.
Ingon man, ang maong matang sa suporta nagpakita sa kamahinungdanon sa panaghiusa ug panagtambayayong tali sa mga organisasyon ug ahensya sa gobyerno. Pinaagi niini, gilauman nga mas mapalambo ang episyente nga pagdumala sa mga buluhaton ug mas mapauswag ang paghatag og serbisyo sa kapulisan ngadto sa katawhan.
Photo courtesy: PNP Police Regional Office 12










