Moarangkada na ang kompetisyon sa surfing human opisyal nga gibuksan ang Santa Monica Longboard Open – Governor’s National Surfing Competition: Siargao Circuit 2026 sa lungsod sa Santa Monica, Surigao del Norte.
Mitambong sa opening program ang nagkadaiyang surfers ug mga partisipante nga nagpakita sa ilang panaghiusa, kadasig ug suporta alang sa maong kompetisyon.
Pinaagi sa maong kalihokan, gihatagan og higayon ang mga surfers nga ipakita ang ilang abilidad ug talento sa longboard surfing, samtang gipasiugda usab ang padayong pagpalambo sa surfing isip usa sa mga nag-unang atraksyon ug garbo sa isla sa Siargao.
Gilauman usab nga pinaagi sa maong kompetisyon, mas mailhan ang Santa Monica isip usa sa mga potensyal nga destinasyon sa surfing, nga makatampo sa pagpalambo sa turismo ug lokal nga ekonomiya sa maong lungsod.
Photo courtesy: Municipality of Santa Monica










