Nadakpan sa kapulisan ang usa ka 32-anyos nga lalaki nga giila nga si alyas “Agay,” minyo, atol sa gipahigayong drug buy-bust operation sa Barangay Napolan, Pagadian City, niadtong Nobyembre 13, 2026. Gipangunahan ang operasyon sa mga operatiba sa PNP Drug Enforcement Group o PNP DEG, Special Operations Unit 9.
Narekober gikan sa kamot sa suspek ang duha ka medium-sized sachet sa gidudahang ilegal nga droga nga gibanabanaang motimbang og 54 gramos, nga may gibanabanaang balor 367, 200 pesos.
Ug nakuha usab pag balik ang kwarta nga maoy gigamit isip buybust money, naglakip sa mga drug paraphernalia. Ang suspek ug ang tanang nakumpiska nga ebidensya gidala na sa kustodiya sa kapulisan alang sa hustong dokumentasyon ug dugang nga imbestigasyon.
Samtang ang dinakpan posibleng mag atubang sa kasong paglapas sa Republic Act 9165 o sa Comprehensive Dangerous Drugs Act of 2002.
Photo courtesy: Istock










