Patay ang isa ka 63-anyos nga mangingisda matapos malumos sa baybayon sang Purok Lapu-Lapu, Barangay Tibpuan, Lebak, Sultan Kudarat, pasado alas 2:00 sang hapon, sang Nobyembre 14, 2026.
Suno sa imbestigasyon sang Lebak Municipal Police Station, nagkadto ang biktima nga ginkilala sa alyas nga “Chris” sa baybayon agud mangayo sang isda sa iya kapareho nga mangingisda.
Pagligad sang pipila ka minutos, nakita na lamang sang mga residente nga nalumos ang biktima.Ginhatagan ini sang first aid pinaagi sa CPR antes gindala sa ospital, apang gindeklarar nga dead on arrival.
Suno sa Barangay Kapitan, wala sang nakit-an nga foul play, samtang padayon ang imbestigasyon sang kapulisan










