Pilason ang isa ka mangunguma matapos ginpatigbas sang gulok sa Barangay Bilumen, Lambayong, Sultan Kudarat, mga alas-1:50 sang kaagahon, Nobyembre 14, 2026. Ginkilala sang Lambayong Municipal Police Station ang biktima nga si Arnold S. Gaurana, may asawa kag residente sang nasambit nga barangay.
Suno sa inisyal nga imbestigasyon, nagalakat pauli ang biktima sang gulpi siya ginpatigbas sang suspek nga wala pa ginhingadlan. Gilayon nga gindala sang iya pamilya ang biktima sa ospital, kun sa diin ginaoperahan ini bangud sa mga pilas nga naangkon.
Samtang, gilayon nga nadakpan sang nagresponde nga mga pulis ang suspek kag gindala sa police station para sa nagakaigo nga proseso. Padayon naman ang imbestigasyon sang Lambayong MPS agud matukiban ang motibo sa likod sang insidente.










