Duha ka lalaki ang nadakpan tungod sa giingong ilegal nga pagpangisda sulod sa Sagay Marine Reserve, partikular sa Panal Area, Sagay City atol sa joint seaborne patrol operation niadtong nakalabay nga adlaw.
Giila ang mga nadakpan nga sila alyas Batoloy, 45-anyos, ug alyas Ramon, 55-anyos, parehong residente sa Barangay Old Sagay. Nasakpan sila nga nagdala og gamit pangisda nga gitawag og Pamu nga walay permit gikan sa Protected Area Management Board.
Nasakmit ang ilang bangka nga dunay double engine ug pukot nga gibanabanang mokantidad og ₱240,000. Gikustodiya na sa kapulisan ang duha samtang gidala sa Sagay Marine Reserve ang mga nasakmit nga gamit alang sa tukmang disposisyon.
Photo courtersy: wikipedia
