Magapasundayag ang yara sa 70 ka micro, small, and medium enterprises ukon MSMEs sang ila lokal nga produkto kag kultura halin sa Region Twelve sa apat ka adlaw nga Treasures of Region Twelve Trade Expo nga maga-umpisa sa Oktubre 15 sa Taguig City, Metro Manila.
Suno sa Department of Trade and Industry Region XII, lakip sa ipakita ang kape, tuna products, mga produkto halin sa prutas, kag mga handicraft nga nagapakita sang kultura sang mga Indigenous Peoples, lakip ang T’nalak sang mga Tboli.
Target sang DTI-12 nga makaabot sa Traynta Milyones Pesos ang baligya sa expo, nga may tinutuyo nga mapalapad ang merkado para sa mga lokal nga negosyo kag mapauswag ang ekonomiya sang rehiyon.
Photo courtesy: DTI Region 12
