Mokabat sa kapin sa 17,000 ka pamilya sa Panabo City ang nakabenepisyo sa programang Bigay Bigas Para sa Masa nga gipahigayon sa unang semana sa Oktubre. Mikabat sa 17,079 ka pamilya gikan sa 36 ka barangay ang nakadawat og hinabang nga bugas aron makatabang sa ilang panginahanglan sa pagkaon.
Kabahin ang maong programa sa inisyatiba sa National Government pinaagi sa Support to Local Government Fund (SLGF), nga gipatuman uban sa Provincial Government sa Davao del Norte alang sa mga kwalipikadong benepisyaryo sa probinsya.
Gisuportahan ang pagpatuman niini ni Governor Edwin I. Jubahib, Vice Governor Clarice Jubahib ug sa mga miyembro sa Sangguniang Panlalawigan. Tumong sa programa nga makahatag og dugang tabang sa mga pamilyang nanginahanglan ug makapamenos sa ilang gasto sa adlaw-adlaw nga panginahanglan.
Photo Courtesy: One DavNor Network
