Sikop ang usa ka drug suspect human kini nakuhaan ug iligal nga drugang shabu pinaagi sa gilusad nga search warrant operation sa kapulisan sa Brgy Talisay, Dapitan City, Zamboanga del norte niadtong Hulyo 14 ning tuiga.
Narekober gikan sa 56-anyos nga si alyas “Gomer” ang 6 ka gramo sa iligal nga druga nga nagkantidad sa Php40,800.00 ug uban pang mga non-drug items.
Gipangunahan sa mga personahe sa Dapitan City Police Station ang maong operasyon kauban ang 5th Special Operations Unit maritime Group hinungdan sa malampusong pagkasikop sa suspetsado.
Balhog sa selda sa dapitan City Police Station ang dinakpan ug mag-atubang sa tukmang kaso nga ipasak batok niini, samtang ang mga nakumpiska nga mga ebidensya ang giturnover ngadto sa Zamboanga del Norte Provincial Forensic Unit alang sa eksaminasyon.
Giawhag sa Dapitan PNP ang publiko nga magmabinantayon ug daling itaho ngadto sa kapulisan ang mga kadudahang kalihukan nga mamatikdan sa palibot ilabi nga may kalambigitan sa iligal nga druga.
Photo Courtesy: Dapitan CPS
