Nakabaton og Certificate of Accreditation gikan sa National Commission for Culture and the Arts (NCCA) ang Barangay Magsaysay sa Kidapawan City isip pag-ila sa mga paningkamot niini sa pagpreserbar ug pagpalambo sa lokal nga sining ug kultura.
Gihatag ang maong accreditation human matuman sa barangay ang mga sukdanan sa NCCA sa pagpanalipod ug pagpasidungog sa kulturang Pilipino. Gilauman nga pinaagi niini, mas mapalig-on pa ang mga programa ug kalihokan nga nagpreserbar sa lokal nga kabilin.
Dugang pa, ang accreditation mag-abli og dugang nga oportunidad alang sa Barangay Magsaysay aron makadawat og grant, teknikal nga suporta, ug makig tambayayong sa National Commission for Culture and the Arts alang sa umaabot nilang mga proyekto.
Photo Courtesy: LGU Kidapawan
