Mag-atubang ang usa ka lalaking suspek og kasong parricide, human niyang gipatay matod pa ang iyang kaugalingong inahan sulod sa ilang panimalay sa Purok Mabuhay, Barangay Kilagasan, Kabacan, Cotabato, niadtong Hunyo 22.
Ang biktima, usa ka 59-anyos nga biyuda, asa nakit-an nga wala nay kinabuhi sulod sa kusina sa ilang balay. Sumala sa imbestigasyon, nakaangkon ang bikitma og daghang samad sa lawas nga miresulta sa iyang kamatayon.
Dali usab nga nadakpan sa mga otoridad ang suspek nga giilang si alyas Jeff, kinsa walay trabaho ug giingong nalambigit sa paggamit sa ilegal nga droga.
Sa pagproseso sa crime scene, narekober sa kapulisan ang daghang mga butang nga posibleng gigamit sa krimen ug pipila ka drug paraphernalia.
Padayon karon nga gitanggong ang suspek sa Kabacan Municipal Police Station, samtang giandam ang pormal nga pagsaka sa kaso batok kaniya.
Photo Courtesy: Jessica Alba
