Magpatuman ang Sri Lanka og Four-day work week aron makatipid sa gamay nga fuel reserves samtang nag-andam sa posible nga paglungtad og dugay sa giyera sa Middle East.
Ang mga ahensya sa gobyerno, eskwelahan, ug unibersidad magsugod sa operasyon upat ka adlaw kada semana sugod Miyerkules. Gisugyot usab sa gobyerno nga ang pribadong sektor i-deklara ang Miyerkules nga holiday.
Magpadayon ang essential services sama sa ospital, pantalan, ug emergency services. Gisuspinde ang tanang public ceremonies ug gipangayo sa civil servants nga mag-work from home kung mahimo.
Gipatuman ang fuel rationing diin limitado ang motorista sa 15 litro sa petrol o diesel kada semana, samtang ang public transport gihatagan og 200 litro. Ang nasud adunay fuel reserves nga igo molungtad og hapit unom ka semana.
Ang Sri Lanka nag-import sa tanan niyang lana ug coal, ug nag-warning ang gobyerno nga ang dugay nga giyera sa Middle East mahimong makadaot sa ilang pagbangon gikan sa economic meltdown sa 2022.
Photo Courtesy: NW Flags
