Gipasabot ni City Administrator Dr. Darwin Manubag, sa Iligan City ang kahulugan ug kamahinungdanon sa Halal, nga naglakip sa pagkaon, ilimnon, pamatasan sa tawo, ug uban pang aspeto sa adlaw-adlaw nga pagkinabuhi.
Miingon si Manubag nga hingusgan lamang nga mahimong Halal ang usa ka restaurant kung kini mosunod sa standard nga pamaagi sa preparasyon, strektong kalimpyo sa mga ingredients, ug husto nga proseso sa produkto.
Gipatin-aw usab ni Manubag nga ang Halal alang sa tanan, nagpunting sa kalimpyo sa pagkaon, paglikay sa karneng baboy o haram, ug paghatag og kasiguruhan nga luwas ang pagkaon alang sa mga konsumante.
Nunot niini gidasig sa City Administrator ang mga establisemento ug konsumante nga masabtan ug sundon ang Halal standards, aron mapalig-on ang kahimsog, seguridad, ug pagsalig sa pagkaon sa Iligan City.
Photo Courtesy:Quranhost
