Gihikay na sa embahada ug Overseas Workers Welfare Administration (OWWA) ang mga biyahe sa eroplano aron mapauli ang mga OFW pabalik sa Pilipinas human nga gi-anunsyo sa Department of Migrant Workers (DMW) niadtong Marso 16, nga mokabat sa 68 ka mga Pilipino ang natabangan nga makagawas sa Israel sukad sa pagsugod sa tensyon sa Middle East.
Sumala sa ahensya nga 9 ka overseas Filipino workers ang luwas nga nakatabok gikan sa Israel paingon sa Taba Border Crossing uban sa tabang sa One Country Team nga naglangkob sa Philippine Embassy in Cairo, Migrant Workers Office, ug Overseas Workers Welfare Administration (OWWA).
Sa kasamtangan mokabat sa 25 ka OFWs ug 43 ka laing Pilipino na ang nakabiya sa Israel sukad nga miulbo ang tensyon tali sa sa United States ug Israel batok sa Iran.
Gikataho nga kasagaran sa mga OFW nagtrabaho isip caregiver ug hotel workers, samtang ang ubang mga Pilipino mga turista, pilgrim o mga estudyante.
Gani, bisan paman sa nagpadayon nga tensyon gipasalig usab sa DMW nga padayon ang ilang pagtabang sa mga Pilipino aron nga luwas nga maka-uli sa nasud.
Photo Courtesy: Unlad
