Nanawagan si Kidapawan City Mayor Atty. Jose Paolo Evangelista ngadto sa tanang opisyal ug empleyado sa panggamhanang lokal nga magtinabangay alang sa mas hapsay nga pagdumala sa mga resources ug pondo sa dakbayan.
Sumala ni Mayor Evangelista, gikinahanglan ang saktong paggasto sa pondo sa gobyerno tungod kay ang mga personahe mismo ang unang maapektuhan kon duna’y dili maayong pagdumala niini.
Tungod niini, giawhag sa mayor ang tanang sektor sa lokal nga panggamhanan nga magpakita og lig-on nga kooperasyon ug pagka-responsable sa paghatag og serbisyo ngadto sa katawhan.
Dungan niini, nagpadayag usab og pasalamat ang mayor sa iyang mga kauban sa gobyerno nga padayong naghatag og suporta aron masiguro nga magpabilin nga epektibo ang serbisyo publiko sa tibuok Kidapawan.
Photo Courtesy: Own-Free- Website.com
