Giawhag sa Iligan City Traffic Parking and Management Office (ICTPMO), pinaagi sa pagpangulo ni Ralp Oblenda, ang tanan nga mga motorista nga magpabiling kalmado ug dili masuko kung masita sa mga traffic enforcer.
Matod pa ni Oblenda, kinahanglan nga ang mga drayber magpakita og respeto ug pagka-kalmado sa tanang oras, ilabi na kung ma-isyuhan og citation ticket tungod sa kalapasan sa trapiko.
Gipasabot usab niya nga ang mga traffic enforcers gibansay sa prinsipyo sa “maximum tolerance”, aron mapadayon ang taas nga pasensya ug hapsay nga pagtratar sa publiko.
Gidugang pa ni Oblenda nga bisan pa sa maayong pamatasan sa mga enforcer, gikinahanglan gihapon ang kooperasyon ug respeto sa publiko aron malikayan ang tensyon ug masiguro ang kaluwasan sa tanan sa kalsada.
