Gianunsyo sa City Government of Kidapawan ug sa Office of the City Civil Registrar, nga dili na kinahanglang mabalaka ang inahan nga nanganak kay libre na ang birth certificate sa ilang mga bata og ihatod kini sa ilang tagsa-tagsa kapanimalay.
Matod ni City Registrar Atty. Christopher Cabelin, dili na kinahanglang balikon pa ang dokumento sa ospital diin nanganak ang usa ka inahan, ug labaw sa tanan dili na magpila sa ilang buhatan.
Dugang pa ni Cabelin, nga kini nga inisyatiba gihimo aron mapadali ang proseso, mapaduol sa katawhan ang serbisyo sa Lokal nga Panggamhanan ug aron dili na mahasol ang mga ginikanan sa bata.
Giklaro ni Atty. Cabelin, nga kini nga programa naglangkob sa tanang mga inahan nga nanganak sa mga tambalanan ug mga residente lamang sa Kidapawan City.
Libre ang nasangpit nga dokumento ug ang mga empleyado sa City Civil Registrar mismo ang maghatod sa Certificate of Live Birth (COLB) bisan sa hilit nga mga barangay sa dakbayan.
Photo Courtesy: City Government of kidapawan
