Gibutyag ni PCPT Nemelynd Encabo, Team leader sa Anti-Cybercrime Unit sa Lanao del Norte, nga ang unang mga reklamo nga gisang-at sa ilang buhatan kasagaran may kalabutan sa mga post sa social media nga makadaot sa dungog sa tawo, nga mahimong cyber libel.
Sa eksklusibong pakighinabi sa Juander Radyo news team, gipasabot usab ni PCPT Encabo nga ang cybercrime usa ka termino nga naglangkob sa tanang kriminal nga binuhatan nga gihimo online, pinaagi sa paggamit sa teknolohiya sama sa computer, cellphone, ug uban pang digital nga kagamitan.
Gidugang niya nga ang yawi aron malikayan ang kasong cybercrime mao ang responsableng paggamit sa social media ug ang pag-amping sa personal nga impormasyon aron maprotektahan ang kaugalingong dungog ug seguridad online.
