Gipahibalo ni Cebu City Mayor Nestor Archival nga dili una ipatuman sa Cebu City Hall ang 4-day work week karong semanaha.
Matod sa mayor nga padayon pa nilang gitun-an ang posibleng sistema sa pagpatuman niini aron masiguro nga dili maapektuhan ang serbisyo sa gobyerno ngadto sa katawhan.
Gibutyag usab ni Archival nga ilang obserbaran ang kahimtang sa ubang mga lokal nga kagamhanan nga nagpatuman na sa 4-day workweek aron makita ang epekto niini sa operasyon sa gobyerno.
Sa pagkakaron, magpadayon sa normal nga work schedule ang mga opisina sa Cebu City Hall samtang gitun-an pa ang maong plano.
