Gipasalig sa Provincial Director sa Zamboanga del Sur Police Provincial Office nga kumpleto og balido ang tanang dokumento sa marked vehicle ug driver license sa mga pulis nga nagmaneho sa mga sakyanan nga gigamit sa matag police station s lalawigan sa Zamboanga del Sur.
Sa pagkighinabi sa Juander Radyo News Team kang Provincial Director PCol. Bonifacio Arañas Jr. siya miingon nga updated usab ang mga rehistro sa maong police vehicle ug kumpleto sa gikinahanglang papeles.
Dugang pa ni PD Arañas, ang driver nga pulis adunay insaktong driver’s license ug awtorisado sa pag-operate sa opisyal nga sakyanan sa kapulisan. Ang pahayag gipagawas sa Provincial Director human mitunga ang mga pangutana sa publiko kalabot sa kahimtang sa dokumento sa mga marked vehicle nga nagdagan sa kadalanan.
Matod sa opisyal, regular nga gina-inspeksyon ang ilang mga sakyanan aron maseguro nga nagsunod kini sa mga regulasyon sa Land Transportation Office (LTO).
Photo Courtesy: Collections- GetArchive
