Nagpadayon ang Department of Education (DepEd) Region 9 sa pagpatuman sa Aral Program alang sa School Year 2026–2027 aron mas mapalig-on pa ang kahibalo ug kahanas sa mga estudyante sa rehiyon 9.
Sumala ni DepEd 9 Assistant Regional Director Dr. Gregorio Cyrus Elejorde, sukad nahimong balaudnon ang programa wala na sila miundang sa pagpatuman niini aron mapalambo ang Literacy ug Numeracy sa mga kabataang magtutungha.
Matod ni Dr. Elejorde , pinaagi sa dugang nga learning sessions ug remediation classes nga gihimo sa matag pampublikong tulunghaan mahimo nang mapataas ang academic performance sa mga estudyante sa elementarya ug sekondarya.
Gipadayag ni Dr. Elejorde, kabahin sa programa ang pakigtambayayong sa mga ginikanan, magtutudlo ug lokal nga kagamhanan aron masiguro ang malampusong implementasyon niini sa tanang pampublikong tulunghaan sa Zamboanga Peninsula.
Gilauman nga pinaagi sa padayon nga pagpatuman sa Aral Program, mas daghang kabatan-onan ang mahatagan og hustong suporta aron makab-ot ang kalidad nga edukasyon sa umaabot nga school year.
Photo Courtesy: Philippine Information Agency
