Nagpabilin nga walay nakapildi nga natala sa Guinness World Records alang sa pinakagamay nga motorsiklo sa kalibutan—usa ka talagsaong imbensyon sa Swedish inventor nga si Tom Wiberg.
Gibuhat ni Wiberg ang motorsiklo nga iyang ginganlan og “Smalltoe.” Sa iyang kagamay, masigo lamang kini sa palad sa usa ka tawo. Aduna kini’y wheelbase nga 80 millimeters (3.14 inches) ug gitas-on sa lingkuranan nga 65 millimeters (2.55 inches).
Ang ligid sa atubangan adunay diyametro nga 16 millimeters samtang 22 millimeters usab ang ligid sa likod. Ang tibuok motorsiklo motimbang lamang og 1.1 kilo, nga mas gaan pa kaysa kasagarang laptop computer.
Bisan pa sa iyang kagamay, fully functional ug tinuod nga masakyan ang Smalltoe. Pinaagi sa espesyal nga sapatos nga adunay mga attachment, malampusong napadagan ni Wiberg ang maong motorsiklo sa gilay-on nga kapin sa 10 metros aron mapamatud-an ang iyang kahimtang isip operational nga sakyanan.
Gipadagan kini sa 0.22 kW (0.3 horsepower) nga makina ug makaabot og tulin nga duha ka kilometro matag oras. Pinaagi sa maong imbensyon, napildi ni Wiberg ang naunang rekord nga natala niadtong 1990 nila Simon Timperley ug Clive Williams gikan sa United Kingdom.
Hangtod karon, wala pa’y nakalabaw sa kahibulongang rekord sa Smalltoe, nga nagpabilin nga simbolo sa kahanas ug pagkamamugnaon sa larangan sa miniaturized engineering.
Photo Courtesy: GUINNESS WORLD RECORD
