Dakpan sa mga personahe sa Mati City Police Station ang duha ka lalaki atol sa gikasang buy- bust operation sa Riverside, Brgy. Central, Mati City, Davao Oriental niadtong nakalabay nga adlaw.
Ang mga dinakpan naila nga si alyas “Mighty” nga gikonsidera nga Top Priority Illegal Drug Personality uban sa iyang kauban nga nalambigit usab sa ilegal nga kalihokan.
Nakuha gikan sa mga suspek ang pipila ka pakete sa gituohang shabu nga gibana banaang adunay standard drug price nga ₱205,000.00. Gilayong gimarkahan ug giimbentaryo ang mga nakumpiskang butang uban sa mga suspetsado ug sa mga testigo.
Sa pagkakaron gikustodiya na ang duha ka suspetsado sa Mati City Police Station alang sa tukmang disposisyon ug mag atubang sa kasong paglapas sa RA 9165 (Comprehensive Dangerous Drugs Act of 2002).
