Pwede na mokuha ug kopya sa mga dokumento sama sa birth ug marriage certificates ang mga GCash users direkta pinaagi sa ilang selpon. Ang Philippine Statistics Authority (PSA) nakig-partner sa maong kompanya aron mabutang ang PSAHelpline Mini App sa sulod sa GCash app, aron nga ang mga users pwede na magrequest sa birth certificate, marriage certificate, ug death certificates, ingon man sa CENOMAR ug CENODEATH, gamit lang ang smartphone.
Ang maong proseso makita sa GLife section sa GCash app, diin kini ang una nga electronic-wallet sa nasud nga dunay sa PSAHelpline service ug nagtanyag og PDF civil registry certificates sulod mismo sa platform. Segon ni PSA National Statistician, Usec. Claire Mapa, nga ang Mini App mas nagpasayon sa pag-request sa mga kinahanglanon nga dokumento ug mas simple nga pagbayad pinaagi sa online.
Pinaagi sa GCash, mas dali na nga ma-access ang mga dokumento bisan sa mga lugar nga layo sa sentro, ug dali ra usab ang proseso niini gikan sa pagrequest hangtod sa pagbayad diin gipahibalo usab nga pwede kining ipa-deliver diretso sa mga panimalay. Ang mga digital certificates aprobado ug legit nga pwede nga gamiton sa mga kompanya, eskwelahan, ahensya sa gobyerno, ug uban pang institusyon nga nangihanglan sa maong mga papeles.
Gipahibalo usab nga ang presyo sa birth, death, ug marriage certificates anaa sa ₱290 matag usa, samtang ang CENOMAR ug CENODEATH anaa ₱345 matag usa. Giklaro usab ni Mapa nga magpadayon gihapon ang door-to-door delivery ug walk-in service para sa mga gusto og physical copy gikan sa opisona sa PSA.
Photo Courtesy: Daily Tribune
