Naaresto sa mga otoridad ang giilang Top 8 Most Wanted Person sa SOCCSKSARGEN, ang suspetsado usa ka 23-anyos nga lalaki nasikop sa Gensan Drive, Brgy. Morales, Koronadal City, South Cotabato hapon sa Pebrero 24 ,2026.
Sumala sa kapulisan, ang suspetsado usa ka Indian national nga lending collector diin kasamtangan nga nagpuyo sa Brgy. Sta. Cruz sa maong lungsod.
Gipatuman ang pag-aresto pinaagi sa joint operation sa Koronadal City Police Station, RIU 12, Tracker Team Charlie, ug uban pang kwerpo sa kapulisan pinasikad sa warrant of arrest alang sa kaso nga Murder nga gi-issue niadtong Agosto 2025.Tungod sa kabug-at sa krimen, walay girekomenda nga piyansa ang korte bugti sa kagawasan niini.
Ang suspetsado, kasamtangang naka kustodiya sa Koronadal City Police Station alang sa hustong disposasyon.
Photo Courtesy: SCPNP
