Herido el un soltero despues con este supla de tiro el dueño del terreno donde este ya entra na mangrove Luciano Drive, Barangay Mampang en este ciudad, ayer tarde Pebrero 23,2026
Con el victima ya identifica como si Gilbert Calosor Constantino,24-anyos soltero y residente del mencionao Barangay.
Na inisyal report ta aparece, antes occuri el incidente, el victima ta saca asegun yero sin permiso na mencionao lugar, y quando ya mira con este el dueño derefente ya supla con este de tiro por dos beses.
Enseguidas ya lleva con el victima na sercanos hospital para el tratamiento medical y librao ya este na peligro
Durante el hot-pursuit operation del maga personajes del PS-12, exito ya puede aresta con el suspechao que ya identifica como si untal Jordan.
Mientrastanto el suspechao na custodia ya del otoridad para el propio despocicion, omentos pa que posible asegun trespassing el motivo del incidente.
