Nakahakot og sentimento sa daghang mga netizens si Heart Evangelista human niyang gipaambit sa social media ang iyang pagbisita sa mga inabandunang tigulang sa Tahanang Mapagpala sa Malolos, Bulacan. Sa iyang post, makita ang iyang pagpakig-istorya ug paggahin og panahon sa mga lola nga nagpasalamat sa iyang presensya ug kabuotan.
Sa maong pagbisita, usa ka lola ang miduol ug nag-ampo alang kaniya, ug mihangyo nga magkaanak na siya. Samtang naglingkod, miingon ang lola og, “Blessed are the merciful. Blessed are the pure in heart,” nga nakapahilak ug nakapahiluna sa emosyon sa daghang nakabasa sa iyang post.
Daghan ang na-touch sa maong eksena, ilabi na sa pagpakita ni Heart sa iyang malumo nga kasingkasing ug pagkamahinatagon. Matod pa sa uban, dili lamang siya fashion icon kundili usa usab ka babaye nga puno sa gugma, pagkamapa-inubsanon, ug pagtagad sa mga kabus ug katigulangan.
Photo Courtesy: Heart Evangelista
