Dasig og determinasyon ang nakita sa mga student-athletes nga mitambong sa Davao Region Athletic Association (DAVRAA) Meet 2026 Grand Opening nga gipahigayon niadtong nakalabay nga adlaw sa Davao del Norte Sports and Tourism Complex.
Nagpakitang-gilas ang mga delegasyon gikan sa Mati City Eagles, Panabo City Banana Magnates, Davao City Eagles, Tagum City Premier, ug Davao del Norte Pioneers pinaagi sa ilang makapahugyaw sa dughan nga saludo, performance nga nakahatag og kusog ug kahinam sa maong kalihokan.
Bisan sa hulga sa ulan, nagpabiling hayag ang ilang enerhiya ug kadasig nga misidlak sa entablado, nga nagpakita sa ilang garbo, panaghiusa, ug kusog isip mga atleta sa rehiyon.
Gipamatud-an sa maong pasundayag nga walay bisan unsang kahimtang sa panahon ang makapugong sa tinuod nga espiritu sa kampiyon.
Photo Courtesy: One DavNor Network
