Pormal nga giturn-over ang mga loose firearms isip kabahin sa Small Arms and Light Weapons (SALW) Management Program sa Municipal Gymnasium, Tukuran, Zamboanga del Sur, kagahapong adlawa, Pebrero 23, 2026.
Ang turnover gihimo sa pagpasiugda sa 53rd IB Matapat Battalion, Philippine Army, sa pagpanguna ni 53rd IB Batallion Commander Leutenant Colonel Rolando E. Vargas Jr.
Kinatibuk-ang 40 nga lain-laing loose firearms ang giturn-over nga uban ang walo ka hand grenade, duha ka rifle grenades, usa ka high explosive TNT ¼ pound stick, ug upat ka M203 live ammunition.
Sa maong kalihukan, nagsilbing Guest of Honor and Speaker si 102Bde Commander BGEN Samuel G. Yunque nga nagpasabot sa katuyuan sa SALW Program tumong aron pagpakunhod sa kriminalidad sa matag lokalidad.
Sa maong okasyon, mapasalamaton usab si 53RDIB Commanding Officer LTCOL. Vargas ngadto sa LGU Tukuran sa suporta sa ilang kampanya ug sa kooperasyon sa mga residente sa Tukuran, Zamboanga del Sur.
Dugang pa niya, magpadayon ilang kampanya nga ipatuman sa tibuok probinsya aron masiguro nga ang mga armas nga wala’y lisensya nga gihuptan sa mga indibidwal matugyan kanila ug aron kini ilang matipigan.
