Mapasigarbuhong gipahibalo sa Probinsyal nga pang gamhanan sa Davao De Oro ang nakatakdang ipahigayon nga 1st ever Davao de Oro MoTour Ride atol pagsaulog sa Bulawan Festival sa Probinsya nga ipahigayon sa bulan sa Marso ning tuig 2026.
Sumala ni Provincial Tourism Office Head Christine Dumpor, ang motour ride gi-disenyo nga fun ride ug dili racing, busa wala silay ginapili nga klase sa motor mao nga pwede bisag regular nga motor, or big bike nga motor.
Nasayrang nga ang motour ride naglangkob sa paglibot sa 11 ka mga lungsod sa Probinsya sa tibook adlaw, nga magsugod sa lungsod sa Pantukan ug mosangko sa Capitol ground sa lungsod sa nabunturan isip finish line.
Tumong niini dili lang ang ma-experience sa makalingaw nga rides kung dili masaksihan ug malibot sab ang nagkadaiyang tourist destination sa probinsya.
