Patay ang usa ka 78-anyos nga lalaki human maaksidente sa National Highway sa Purok Enriquez, Barangay Begong, Tigbao, Zamboanga del Sur, niadtong nakalabay nga adlaw.
Base sa inisyal nga imbestigasyon sa Tigbao Municipal Police Station, ang biktima nagmaneho sa yellow nga Honda Wave 100 nga motorsiklo una sa usa ka gray nga Nissan Terra paingon sa direksyon sa syudad sa Pagadian.
Misulay pagliko ang 78 -anyos nga motorista paingon sa wala nga bahin sa kalsada ug nagsinyas gamit ang kamot apan wala namatikdan sa driver sa SUV ang maong sinyas hinungdan sa panagbangga ug pagkalagpot sa driver.
Tungod sa grabeng samad sa ulo nga naangkon sa biktima, dali kini nga gidala sa usa ka pribadong ospital sa Pagadian apan gideklara nga dead on arrival sa attending physician.
Wala ra maangol ang drayber sa SUV ug ang iyang upat ka mga pasahero diin sa karon ang driver lakip ang mga sakyanan nga nalambigit sa panagbangga nakakustudiya na sa Tigbao Municipal Police Station alang sa hustong proseso.
Photo Courtesy: Pindula News
